Gospel Translations Sudanese - Tulisan pamaké [su]

Tampilan Kamulyaan/Kaanggotaan Allah

2010-08-26T17:36:48Z

Kathyyee: Nyieun kaca anyar {{info|A Display of God's Glory/Membership}} Mangga mimiti ti ngakuan yen sakabeh ide tentang jadi anggota gereja katingalina teu-produktif dina masa-masa ieu. Mun disidik-sidik...

{{info|A Display of God's Glory/Membership}}

Mangga mimiti ti ngakuan yen sakabeh ide tentang jadi anggota gereja katingalina teu-produktif dina masa-masa ieu. Mun disidik-sidik ieu teu ngeunah dicarioskeun, jeung tiasa jadi disebutkeun yen sababaraha jadi anggota jeung nu sejen jadi kabur? Tiasa teu urang nyebutkeun yen patarosan ieu teu mangdasar ka kitab suci, tur bahkan sanes ajaran Kristen? Dina ahir kitab Rasul-Rasul 2 aya nyebutkeun yen “''Allah nambahkeun jumlah manehanana''” (nyaeta, gareja) jalma nu tos disalametkeun. Hal ieu tos ngandung arti nu luas lain? Oge, dina Rasul-Rasul 8, pagawe pamarentahan Etiopia keur iinditan di Palestina jeung keur nuju balik ka bumina dina karetanana, keur maca kitab nubuat Yesaya. Pilipus dipingpin ku Roh Suci nyampeurkeun tur ngomong ka manehna, jalma eta jadi percanten tur dibaptis. Dina kasus eta, pagawe Etiopia eta sacara otomatis tos jadi anggota gareja sanes?

'''I. Kaanggotaan nu sieun-komitmen'''

Tina sakabeh ieu leuwih penting tina naon nu dipikirkeun ku sakabeh jalma poe ieu. Kanyataanana, abdi diyakinkeun yen ngabenerkeun hal ieu mangrupakeun konci pikeun ngabenerkeun gareja urang, nginjilan bangsa urang, bahkan leuwih jauh ti eta nyiarkeun Gusti Kristus ka sakumna dunya, tur oge mawa kamulyaan ka Allah!!

Panginjil Amerika rada putus asa dina mikirkeun deui jeung mempertimbangkeun deui tentang topik ieu, hususna di gareja urang sorangan di Southern Baptist Convention. Dina hiji studi di Southern Baptist sababaraha taun kiwari, gareja Southern Baptist gaduh 233 anggota jamaah tapi nu datang ka ibadah poe Minggu enjing ngan 70 jelema. Pertanyaan abdi nyaeta: dimana nu 163 jelema deui? Piraku sadayana gering di imah, liburan di vila, kuliah, liburan, atawa keur tugas militer? Sababaraha jelema meureun aya nu bener keur ngalakonan eta, tapi sadaya 163 jelema? Naon jadina nu bisa dibere beja tentang Kakristenan ka jalma dunya di sakurilingeun urang? Naon nu dipikahartos ku urang tentang pentingna Kakristenan dina hirup urang? Tur naon jadina kondisi rohani jelema eta, upami maranehna teu ka gareja sabulan, atawa leuwih lami deui? Terus teu datangna maranehna teh sanes urusan urang kitu? Pikeun ngartos tentang hal ieu, mimitina urang kudu naroskeun, “Naon sih gareja teh sabenerna?

'''II. Naon sih sabenerna Gareja teh?'''

'''“Gareja” Sanes Gedong'''

Ku kecap “gareja” urang teu ningali ka hiji unit organisisasi agama. Urang teu ngacu kana Gareja Buddha atawa Gareja Yahudi. Ku “gareja”, urang teu maksudkeun kana gedongna wungkul; gedong gareja teh ngan makna kadua tina kecap “gareja”. Gedong teh ngan saukur tempatna para gareja ngumpul, ku sabab eta kaum puritan New England nyebutkeun gedong gareja teh, “bumi paranti ngumpul.” Gareja New England mimiti katingalina kawas bumi ageung ti luarnana. Bumi eta mangrupakeun tempat dimana gareja ngumpul.

'''Gareja mangrupakeun Komunitas Nu Tos Disucikeun'''

Dina Perjangjian Anyar, gareja mangrupakeun hiji kumpulan jelema nu nyaksikeun jeung ngabuktikeun yen aranjeuna tos disalametkeun ku asih kurnia Allah ku iman ka Kristus jeung pikeun kamulyaan Allah wungkul. Ieu nu dimaksud ku gareja Perjangjian Anyar teh; sanes gedongna. Urang Kristen nu mimiti henteu gaduh gedong salami tilu ratus tahun saatos gareja dimimitian. Dina mimiti waktos eta, gareja urang Kristen lokal ngan saukur kumpulan jamaah nu husus. Sababaraha jelema nu dianggep nyieun perkumpulan ieu, jeung nu sejenna dianggep aya di luarna.

'''Dina Perjangjian Anyar'''

Ku sabab eta ajaran nu diajarkeun ku Yesus dina Mateus 18 sareng ku Paulus dina 1 Korinta 5 tentang hiji individu nu dikaluarkeun, sanes tina komunitas politik, tapi tina komunitas sosial jelema nu bener. Samentawis urang teu tangtu terang yen daftar fisik anggota gareja teh bener aya atawa henteu dina gareja Kristen nu mimiti, tapi pastina gareja mimiti teh gaduhan daptar eta. Ide tentang hal ieu teu pati kadangu. Urang terang yen gareja mimiti nyieun daptar randa-randa; urang terang yen Allah disebutkeun gaduh daptar jelema di gareja universal dina Kitab Kahirupan. Jeung urang terang tina 2 Korinta 2 yen Paulus jeung jamaah Korinta tiasa ngidentipikasi sakumpulan jelema nu dianggep ku aranjeuna jadi anggota gareja, nyaeta, jelema nu tiasa mere sorana pikeun milih.

'''Dina Perjangjian Lami'''

Ide tentang komunitas jelema nu disucikeun mangrupakeun puseurna tindakan Allah di Perjangjian Lami tur Perjangjian Anyar. Dina basa Allah gawe sareng Nabi Nuh jeung kulawargana, nepi ka Abraham jeung turunanana, nepi ka bangsa Israel, nepi ka gareja nu aya di Perjangjian Anyar, Allah tos milih keur ngajaga jelema nu suci jeung nu dipisahkeun dina maksad keur nampilkeun karakter Anjeunna. Niat Allah nyaeta salalu aya garis nu jelas, nu misahkeun jalma nu percanten ka Anjeunna tina jalma anu teu percanten.

'''Baptis mangrupakeun Hal nu Unik dina Sajarahna '''

Konsep gareja sabagai hiji komunitas nu ngumpul mangrupakeun salah sahiji nu ditetepkeun ku Urang Kristen Baptis tina hal-hal nu sejenna. Dina waktos Reformasi hubungan antara pamarentah jeung gareja nu kiwarina deukeut pisan tur ngalieurkeun. Disiplin tina gareja atawa pamarentah sering mawa konsekuensi tina masing-masing pihak. Aya anggepan pada waktos eta yen unggal jelema nu dilahirkeun dina salah sahiji wilayah politik kudu jadi aggota gareja di daerah eta. Pemulihan tentang baptisan kanggo urang percanten dina mangsa Reformasi nyieun lembaga ieu jadi teu tenang ka akar-akarna kusabab urang Kristen Baptis mulihkeun ide Perjangjian Anyar tentang gareja jadi hiji kumpulan jelema nu nyatakeun jeung ngabuktikeun sacara pribadi tentang regenerasi.

'''Catetan Gigir kanggo ka Ahli Sajarah'''

Salah sahiji catetan gigir nu dipikaresep ku ahli sajarah—gareja jadi hiji komunitas jelema percanten nu diiket ku perjangjian sacara sukarela mangrupakeun hiji kontribusi penting nu tos dijieun ku Gareja Baptis kanggo kabebasan pikeun milih agama di bangsa urang Amerika. Hal ieu tiasa jadi ngagetkeun anjeun. Sababaraha jelema ayeuna nganggep Gareja Baptis sabagai kakuatan nu kudu dipikasieun, sok nyerang, total relijius. Tapi hal eta jauh pisan tina sajarahna, tur ironis pisan. Dina sababaraha hal, kamerdekaan nu ku sababaraha jelema ucapkeun jeung tuliskeun tentang kafanatikan urang dilindungan ku gareja nu ngartos yen urang Kristen Baptis tos ngabelaan nagara ieu salami tilu abad.

Gareja teh sanes kanggo anjeun jeung unggal anggota kulawarga anjeun dina hal fisik, turunan alami, atawa kusabab kawarganagaraan anjeun dina nagara ieu. Sanes kitu, Perjangjian Anyar ngajarkeun yen gareja teh kanggo jelema nu percaya. Jadi urang merjuangkeun hukum di nagara ieu nu nyieun kamerdekaan kanggo gareja supados tiasa bebas beribadah. Gareja Baptis sanes, merjuangkeun hiji gareja nu anyar didirikeun di Amerika; sabenerna urang mangrupakeun musuh nu pangkiatna. Pangartosan urang tentang gareja teu ngidinan hal eta. Urang merjuangkeun panginjilan bangsa ieu liwat gareja nu gawe bareng sacara sukarela dina injil Yesus Kristus. Jeung hiji gareja mangrupakeun hiji kumpulan urang Kristen lokal nu komitmen ka Kristus jeung ka sasama.

'''III. Naha Gabung ka hiji Gareja?'''

'''Pentingna Patarosan ieu'''

Topik ieu mangrupakeun hiji kawajiban kanggo gareja urang, jeung kanggo urang nu jadi Urang Kristen ayeuna. Hal ieu mangrupakeun topik nu penting pikeun ngartos naon nu jadi pasauran Kristus kanggo anjeun pikeun jadi murid Anjeunna. Gabung ka hiji gareja moal nyalametkeun anjeun sami kawas perbuatan bageur anjeun, pendidikan anjeun, budaya anjeun, babaturan anjeun, kontribusi anjeun, atawa baptisan anjeun. Jelema Non-Kristen teu bisa gabung ka hiji gareja, tapi diajar naon maksadna jadi urang Kristen. Tapi kanggo jelema nu ngaku jadi urang Kristen, abdi bade naroskeun: Naon maksadna kudu hirup dina kahirupan Kristen? Bener teu urang ngajalankeun kahirupan Kristen sorangan?

'''Lima Alesan pikeun Gabung ka hiji Gareja'''

Aya seeur pisan patarosan alus nu tiasa urang taroskeun nu bakal nuduhkeun kabutuhan urang kanggo hiji gareja, tapi abdi bakal mere anjeun lima alesan sae pikeun gabung ka hiji gareja nu ngotbahkeun injil, jeung model kahirupan urang Kristen.

'''1. Jaminan kanggo diri urang sorangan'''

Anjeun teu meunang gabung ka hiji gareja dina maksad pikeun disalametkeun, tapi anjeun kudu gabung ka gareja pikeun nulungan anjeun pikeun mastikeun yen anjeun tos disalametkeun. Inget kana firman Yesus dina injil Yohanes?
<blockquote>''“Sing saha anu narima jeung ngalampahkeun perentah-parentah Kami, eta tandaning nyaah ka Kami. Sing saha anu nyaah ka Kami, bakal dipikaasih ku Rama; Kami oge tangtu bakal mikaasih jeung bakal nganyatakeun diri ka manehna... Lamun nurut kana parentah Kami tangtu tetep ku Kami dipikanyaah, sakumaha Kami tetep dipikaasih ku Rama lantaran nurut kana timbalana-Na... Maraneh teh sobat-sobat Kami lamun ngalakonan parentah ieu…. Lamun hal eta geus kalaharti, estu bagja maraneh lamun daraek ngalampahkeunana,” (Yohanes 14:21; 15:10, 14; 13:17, Kitab Suci Basa Sunda Sadidinten, LAI).'' </blockquote>
Dina ngagabung ka gareja, urang nempatkeun diri urang dina posisi dimana urang menta dulur urang dina Kristus pikeun ngajagaan urang supados tiasa hirup dina cara nu sasuai jeung nu diucapkeun ku urang. Urang menta aranjeunna pikeun ngadukung urang ku cara ngingetkeun urang jalan-jalan Allah nu aranjeunna tempo aya dina kahirupan urang, tur dina waktos sejen aranjeunna nantangan urang iraha waktosna urang tiasa leuwih maju deui dina kataatan ka Allah. Kaangotaan anjeun di hiji gareja lokal mangrupakeun kasaksian jamaah umum yen hirup anjeun tiasa mere bukti hirup anyar.

Kaangotaan dina hiji gareja lokal henteu nyalametkeun, tapi mangrupakeun hiji cerminan kasalametan. Jeung upami teu aya cerminan, kumaha urang tiasa terang tentang kasalametan nu disebutkeun?

Dina waktos jadi anggota gareja, urang babarengan jeung urang percanten nu sejenna pikeun terang jeung dipikaterang ku nu sejen, jeung pikeun saling nulungan jeung saling ngadukung basa urang butuh diingetkeun tentang karya Allah dina hirup urang, atawa pikeun ditantang tentang kasasuaian antara nu dipikaucap jeung nu dipikalampah ku urang.

'''2. Nginjilan Dunya'''

Anjeun kudu gabung ka hiji gareja lokal oge pikeun maksad nginjilan dunya. Babarengan urang tiasa leuwih efektif nyebarkeun injil di wewengkon bumi urang atawa di mancanagara. Urang tiasa ngalakukeun ieu ku ucapan urang, basa urang ngabagikeun kabar sae ka nu sejen, jeung basa urang ngabantuan nu sejen pikeun ngalakukeun hal eta. Hiji gareja lokal, sacara alamiah, mangrupakeun hiji organisasi misionari.

Urang ngadukung misi ieu ku tingkah laku urang basa urang gawe pikeun nuduhkeun asih Allah ku cara mere nu dibutuhkeun sacara fisik ku budak nu teu gaduh ibu bapa, jelema nu gering, budak leutik, atawa nu lumpuh. Tina persekutuan gareja urang ngabantu nyebarkeun injil ka sakuliling dunya, tur urang nyiapkeun jutaan dolar jeung rebuan sukarelawan pikeun nulungan jelema nu butuh bantuan fisik sagancangna sapertos mere bantuan ka tempat bencana alam, mere pendidikan, jeung palayanan nu sejenna. Dina teu sampurnana urang, upami ruh Allah nu gawe di jero urang, Anjeunna bakal make hirup jeung ucapan urang pikeun nuduhkeun ka jelema sejen kabeneran Injil Anjeunna. Hal ieu mangrupakeun hiji peran istimewa urang ayeuna nu bakal moal aya di Sorga engkena. Ieu mangrupakeun hak istimewa kanggo gareja ayeuna—jadi bagean tina rencana Allah, pikeun nyebarkeun Injil Mantenna ka dunya.

'''3. Nyingkapkeun injil nu palsu'''

Allah gaduh maksud pikeun urang babarengan dina gareja pikeun nyingkapkeun injil nu palsu. Tina kumpulan urang Kristen sadaya yen urang nuduhkeun ka dunya naon sabenerna Kakristenan teh. Dina gareja urang, urang miceun kotbah jeung lambang-lambang nu katingalina Kristen Injili tapi sabenerna sanes. Ieu teu sami jiga kasus dimana sababaraha jelema nu sanes anggota gareja injili sabenerna sanes anggota kusabab aranjeunna teu bener-bener percanten ka panginjil nu sami? Bagean ti misi gareja nyaeta pikeun terang jeung mertahankeun injil nu sajati jeung pikeun nyegah panyimpanganana. Urang kudu nyadar yen bagean tina tugas urang dina panginjilan teu sawates pikeun nampilkeun injil Yesus Kristus nu bener, tapi oge pikeun nyingkapkeun nu goreng, nu ngalieurkeun, saksi-saksi nu nyesatkeun nu nyatakeun yen aranjeunna mangrupakeun gareja Kristen, tapi kanyataanana leuwih teu ngartos tentang injil.

'''4. Edifikasi Gareja'''

Alesan kaopat kanggo gabung ka gareja nyaeta edifikasi atawa ngawangun gareja. Gabung ka hiij gareja tiasa ngabantu urang ngatasan individualisme nu salah jeung bakal ngabantu urang nyadaran kerjasama alami urang Kristen. Sawaktos anjeun diajar tentang Perjangjian Anyar anjeun manggihan yen kahirupan Kakristenan urang kuduna ngalibatkeun oge perhatosan sareng kapadulian urang ka sasama. Ieu teh mangrupakeun bagean tina maksud urang jadi urang Kristen. Bahkan upami urang teu sampurna ngalakonkeunna, urang tetep kudu jangji pikeun ngalakonkeunana. Urang gaduh niat pikeun nguatkeun bahkan lengkah orok dina kaestuan, asih, sifat teu egois jeung sifat sarupaning Kristus.

Dina kelas kaanggotaan gareja urang abdi sering nyaritakeun carita ti hiji babaturan nu didamel di hiji palayanan Kristen di kampus sawaktos datang ka gareja nu abdi tos jadi anggotanana. Anjeunna salalu lebet saatos lagu pujian, calik di gareja kanggo ngadengekeun hotbah, teras balik. Abdi naroskeun ka anjeunna di hiji poe, kunaon anjeunna teu datang ibadah tina mimiti nepi ka rengse. “Nya,” ceuk anjeunna, “Abdi teu gaduh nanaon deui salain ti ngadangukeun hutbah.” “Pernah teu anjeun gaduh pikiran kanggo ngagabung jadi anggota gareja?” Saur abdi. Anjeunna pikir eta teh mangrupakeun pertanyaan nu aneh. Ceuk anjeunna, “Kunaon abdi kudu gabung jadi anggota gareja? Upami abdi gabung jadi anggota gareja, anggota gareja nu sejen bakal ngalambatkeun abdi sacara ruhani.” Sawaktos anjeunna nyarioskeun ieu abdi panasaran naon nu dipikahartos anjeunna tentang maksad urang jadi urang Kristen. Abdi nyarios, “Pernah teu anjeun mikirkeun yen Allah hoyong anjeun pikeun saling kaleng sareng sasama nu sejen? Pastina, maranehna tiasa jadi bakal ngalambatkeun anjeun, tapi anjeun tiasa ngabantu pikeun ngagancangkeun maranehna. Meureun eta mangrupakeun bagean tina rencana Allah kanggo urang upami urang hirup babarengan jadi urang Kristen!”

'''5. Kamulyaan Allah'''

Ahirna, urang Kristen kudu gabung ka hiji gareja kanggo kamulyaan Allah. Petrus nyerat ka urang Kristen nu mimiti, “''Lampah aranjeun di tengah jalma-jalma anu henteu percaya ka Allah teh kudu kacida hadena. Da najan maranehna ngagoreng ka aranjeun cara ka bangsat oge, ari nerenjo ka panggawe aranjeun hade mah tangtu engke maruji ka Allah dina poean sumping-Na.''” (I Petrus 1:12, ''Kitab Suci Basa Sunda Sadidinten, LAI''). Ngagumkeun pisan, lain? Tapi oge, anjeun tiasa nyebutkeun yen Petrus tos ngadangukeun pangajaran Guru-Na. Anjeun inget naon nu diajarkeun ku Yesus dina Hutbah di Gunung. “''Caang maraneh ge kudu mancar ka sarerea, sangkan dipiconto kalakuan maraneh nu hade, supaya batur teh ngamulyakeun ka Rama maraneh nu jumeneng di sawarga'',” (Mateus 5:16, ''Kitab Suci Basa Sunda Sadidinten, LAI'') Deui, pikiran nu ngejutkeun katingalna yen Allah bakal nampa kamulyaan kanggo panggawe urang nu hade. Upami hal eta bener kanggo kahirupan urang pribados, hal eta moal ngagetkeun deui pikeun terang yen Firman Allah nyebutkeun yen ieu oge manglaku kanggo kahirupan urang babarengan jadi urang Kristen. Allah niatkeun yen cara urang mikaasih hiji jalma ka nu sejen bakal nuduhkeun urang jadi pangikutna Kristus. Ngingetkeun deui cariosan Yesus nu terkenal dina Yohanes 13:34-35, “''Ayeuna maraneh ku Kami dibere hiji parentah anyar, nya eta: Masing silih pikanyaah. Sakumaha Kami mikanyaah ka maraneh, maraneh oge kudu saling pikanyaah sabatur-batur. Ku jalan silih pikanyaah jeung babaturan, bakal katara ka sarerea yen maraneh teh murid-murid Kami''.” Hirup urang babarengan jadi tanda yen urang asalna ti Anjeunna, sareng pikeun mawa pujian jeung kamulyaan kanggo Anjeunna.

'''IV. Tanda Kaangotaan Gareja'''

Hirup dina dunya nu geus dosa, sareng jadi jelema nu aya di kelompok nu alit di dunya, kumaha carana urang tiasa nangtukeun saha nu anggota sareng saha nu sanes anggota tina hiji gareja? Saha nu aya dina gareja sareng saha nu aya di luar gareja?

'''Baptisan'''

Nu kahiji, kanggo jadi anggota gareja, anjeun kudu dibaptis jadi urang nu percaya dina pangakuan dosa-dosa anjeun jeung jadi hiji bukti yen anjeun tos tobat tina dosa-dosa eta sareng percanten ka Kristus jadi hiji-hijina kasalametan anjeun. Kitab suci nyatet di Mateus 28 parentah jelas Yesus pikeun ngabaptis jelema nu bade jadi murid. Tina kitab Rasul-rasul, urang nempo yen para murid ngartos sareng matuh kana parentah ieu.

Urang percanten yen baptisan disadiakeun kanggo jelema nu tos nyieun pangakuan iman nu sadar ka Kristus. Kusabab ieu, urang percanten yen mangrupakeun hiji kasalahan doktrin nu ngalakukeun baptisan ka budak orok. Ieu abdi bere lima alesan kanggo kayakinan ieu.

#Teu aya nu teu satuju ka baptisan ka jelema nu percaya. Nu didebatkeun nyaeta baptisan orok.
#Teu aya conto nu jentre dina Perjangjian Anyar tentang baptisan orok.
#Teu aya pangajaran nu jentre tentang baptisan orok dina Perjangjian Anyar.
#Perjangjian Anyar henteu ngajarkeun yen nyunatan jasmani sarua jeung baptisan jasmani. Kanyataanana, Kolose 2 sacara jentre nyebutkeun tentang nyunatan sacara ruhani sarua jeung baptisan jasmani, nyaeta, nyunat hate ku baptisan jasmani. Hal ieu ngadukung ide tentang baptisan teh ngan jadi buktos yen urang tos dilahirkeun deui.
#Dina sajarah, baptisan orok teu aya dina Perjangjian Anyar, jeung ieu teh teu aya dina ''Didache'', nyaeta buku patunjuk tentang cara nyembahna urang Kristen dina masa awal abad kadua. Teu aya catetan nu pasti tentang hal ieu dina abad kahiji, atawa dina abad kadua. Dina abad katilu, aya catetan tentang baptisan orok, tapi sanes jiga baptisan orok nu diajarkeun ku sababaraha babaturan urang Kristen Protestan Reformasi. Hal ieu leuwih mangrupakeun ajaran nu ayeuna diajarkeun ku urang Katolik Rum—yen baptisan teh sabenernya mangrupakeun efek tina kalahiran anyar urang, regenerasi urang, kasalametan urang. Ide baptisan orok nu diajarkeun ku sababaraha urang Kristen Protestan Refomasi, sabenerna, teu mucunghul nepi ka aya urang Protestan nu sejen dina taun 1520 nu ngenalkeun-deui tentang praktek baptisan kanggo jalma nu percanten. Eta teh Huldrich Zwingli nu pangheulana gaduh ide tentang baptisan orok nu teu nyalametkeun atawa diturunkeun.

'''Buktos Kitab Suci kanggo Baptisan Jalma Nu Percanten'''

Anggepan Rasul Paulus dina serat anjeunna nuduhkeun yen jalma nu tos dibaptis nyaeta jalma nu tos ngalaman hirup anyar (Rum 6), aranjeunna nu tos nyunatkeun hatena (Kolosa 2). Baptisan, kusabab eta, penting kanggo kaanggotaan dina hiji gareja kusabab upami hiji jalma hayang diakuan ku hiji gareja, tapi nolak kana parentah Kristus nu jentre, teras jalma nu teu dibaptis ieu nu ngakuan bade ngikut Kristus bakal langsung didisiplinkeun nepi ka aranjeunna mutuskeun pikeun matuh kana parentah Kristus, atawa setop menangkeun dukungan gareja kanggo ucapan aranjeunna pikeun ngikut Anjeunna. Teu pernah aya ajaran nu Yesus ajarkeun kanggo anjeun lakukeun nu leuwih gampang tina baptisan.

'''Perjamuan Paska Gusti'''

Jadi anggota hiji gareja hartina kudu aya dina Perjamuan Paska Gusti. Ieu hartina, dina dasarna, yen anjeun ngalanjutkeun hirup jadi urang Kristen. Kitab Suci nyatet parentah Yesus ka murid-murid Anjeunna pikeun nuang roti sareng anggur perjamuan sakumaha nu Anjeunna ucapkeun dina firman Anjeunna tentang roti eta "''pikeun ngingetkeun ka Kam''i.” Tentang anggur, saur Anjeunna, “''lampahkeun saterusna, satiap-tiap maraneh nginum ieu, maksudna pikeun nginget-nginget ka Kami''.” Urang terang ti surat Rasul Paulus ka jamaah Korinta yen hal ieu nu kudu digawekeun, jeung hal ieu tos terus digawekeun ku urang-urang nu ngaku jadi urang Kristen tina waktos eta. Maksad tina nu dilakukeun gareja basa Perjamuan Paska teh mangrupakeun simbul ti gareja sabage kumpulan jalma nu hirup ku iman ka Kristus.

'''Kahadiran'''

Jadi anggota hiji gareja hartina kudu hadir sacara rutin dina pertemuan ibadah raya. Kahadiran mangrupakeun palayanan urang nu pangdasarna ka sasama. Sakumaha nu disebutkeun di Ibrani 10:25 “''Ulah bosen-bosen kumpulan, ulah cara anu lian. Sabalikna anggur sing silih gedekeun hate, sabab Poe pisumpingeunana Gusti geus beuki deukueut''.”

Upami Perjangjian Anyar ngalambangkeun gareja jadi hiji bangunan, hartina urang kudu jadi batu batana; upami gareja dilambangkeun jadi badan, hartina urang kudu jadi anggota badanna; upami gareja dilambangkeun jadi imah nu eusina jalma percanten, hartina urang teh mangrupakeun salah sahiji tina jalma nu percanten eta. Domba aya dina kumpulanana, jeung cabang pohon anggur aya dina pohon anggurna. Sacara kitab suci, upami saurang ngakuan dirina urang Kristen anjeunna kudu jadi anggota tina hiji gareja. Jeung kaanggotaan ieu henteu ngan saukur catetan pernyataan urang atawa karesep urang ka hiji tempat. Kaanggotaan teh kudu ditempokeun dina komitmen nu bener, rajin datang, atawa ieu bakal sia-sia, jeung nu leuwih bahaya tina sia-sia, nyaeta jadi bahaya.

“Anggota gareja” nu teu aktip bakal ngabingungkeun anggota gareja nu sabenerna sareng jalma non-Kristen tentang naon hartina jadi urang Kristen. Sareng urang anggota gareja “nu aktip” henteu ngalakukeun pelayanan nu bener ka anggota gareja “nu teu aktip” sawaktos urang ngidinan maranehna tetep jadi anggota gareja; kusabab kaanggotaan gareja teh mangrupakeun alat gareja sacara babarengan pikeun mertahankeun kasalametan sasaurang. Urang kudu ngarti tentang hal ieu: kaanggotaan dina hiji gareja nyaeta pangakuan gareja sacara babarengan ka kasalametan anggota eta. Tapi kumaha kumpulan jamaah bisa ngakuan yen sasaurang teh bener-bener satia ngajalankeun kasalametanana?

Dina gareja urang, urang biasana terus-terusan merhatikeun saha-saha wae nu tos jarang datang ka gareja, terus urang nyobaan pikeun mawa aranjeunna balik deui, atawa leuwih merhatikeun aranjeunna (upamina aranjeuna nuju tugas di militer atawa keur kuliah, atawa teu bisa kaluar imah kusabab keur gering). Upami sasaurang mampu datang ka gareja, maksud urang yen aranjeunna sabisa mungkin kudu kaluar tina kaanggotaan di dieu, jadi aranjeunna bisa ngagabung ka gareja nu bisa didatangan rutin ku aranjeunna.

'''Disiplin '''

Aspek sejen dina kaanggotaan hiji gareja nyaeta hiji hal nu tos abdi sebutkeun—disipilin. Tina pangajaran Yesus dina Mateus 18 nepi ka Surat Paulus dina 1 Korinta 5 jeung Galata 6, teu bisa disangkalan deui yen salah sahiji pungsi kulawarga gareja lokal nyaeta pikeun nyieun batesan nu bakal ngaluarkeun jalma nu teu sadia dikaluarkeun tina kaanggotaan gareja. Kanggo inpo nu leuwih lengkep tentang topik penting tapi sering teu diperhatikeun ieu, mangga tempo bukuna Jay Adams, ''Handbook of Church Discipline'' (Zondervan, 1986) sareng Mark Dever ed., ''Polity: Biblical Arguments on How to Conduct Church Life ''(Center for Church Reform, 2001). Adams ningali subjek ieu tina sudut pandang gareja Presbitarian, samentara buku nu kadua mangrupakeun kumpulan sapuluh volume tina gareja Baptis nu mimiti. Sanajan kadua buku eta mandang topik disiplin ieu tina kebijakan gareja nu beda, aya hiji hal dasar nu disatujukeun ku duanana. Kadua buku eta bakal mangpaat kanggo pandeta atawa pamingpin gareja.

'''Kanyaah'''

Kanyaah kudu katingal dina jalma nu mangrupakeun anggota gareja. Dina Yohanes 13 Yesus nyauran ka murid-murid Anjeunna, ''“Ayeuna maraneh ku Kami dibere hiji parentah anyar, nya eta: Masing silih pikanyaah. Sakumaha Kami mikanyaah ka maraneh, maraneh oge kudu saling pikanyaah sabatur-batur. Ku jalan silih pikanyaah jeung babaturan, bakal katara ka sarerea yen maraneh teh murid-murid Kami,” (Yohanes 13:34-35, Kitab Suci Basa Sunda Sadidinten, LAI)''. Upamina aya saurang nu mutuskeun yen anjeunna bisa disebutkeun urang Kristen tanpa kudu saling mikanyaah jeung urang Kristen nu sejen, aranjeunna kudu bener-bener mertimbangkeun naon nu urang baca dina 1 Yohanes 4:20, “''Lamun aya nu majar nyaah ka Allah tapi ngewa ka dulurna, eta teh bohong. Sabab lamun ka dulur anu katenjo bungkeuleukan geus teu nyaah, komo ka Allah, anu henteu tembong''”. Kacenderungan urang pikeun nipu diri urang sorangan, pikeun ngaleuwih-leuwihkeun kahadean urang sorangan, nuhun ka Allah kusabab Anjeunna tos mere urang hiji alat pikeun mariksa kasombongan sareng kalolongan urang! Mere sareng narima kanyaah Kristen mangrupakeun bagean nu jelas tina pangajaran Kitab Suci yen eta hartina jadi anggota hiji gareja, jeung urang ngalakonan ieu dina sagala cara tina cara mere perpuluhan ti penghasilan urang kanggo ngadukung pelayanan, nepi ka nyambut jalma-jalma nu teu urang kenal.

Aya hal nu leuwih seeur deui nu bisa dilakukeun pikeun nyebarkeun asih ieu di gareja lokal. Contona, urang ngajakan anggota gareja urang pikeun nandatanganan hiji pernyataan iman sareng perjangjian—pernyataan tentang kumaha sasaurang eta bakal ngalakukeun bageanana diantara urang sarerea. Urang ngarapkeun yen anggota gareja bakal ngadoakeun gareja, yen aranjeunna bakal mere dukungan keuangan ka gareja, sareng yen aranjeunna bakal ngiluan dina palayanan nu aya di gareja. Baptisan, Perjamuan Paska, Kahadiran, Disipilin, sareng Asih mangrupakeun jantungna kaanggotaan gareja lokal.

Jadi, babaturan Kristen abdi, ulah ngan saukur datang ka hiji gareja (sanajan anjeun sabenerna mah kudu datang), tapi ngagabung ka hiji gareja. Saling kaleng sareng urang Kristen sejenna. Teangan hiji gareja nu anjeun bisa gabung, jeung lakukeun hal ieu supados urang non-Kristen bakal ngadenge jeung ningali injil, supados urang Kristen nu teu kuat bakal bisa diperhatikeun, supados urang Kristen nu kuat eta bakal bisa nyalurkeun energina dina cara nu bener, supados pamingpin gareja bakal dikuatkeun jeung dibantuan, supados Allah dimulyakeun.

10 Alesan Abdi Ngucap Sukur kanggo Kitab Suci nu Diilhamkeun-Allah

2010-08-26T17:10:29Z

Kathyyee: Nyieun kaca anyar {{info|10 Reasons Why I Am Thankful for the God-Breathed Bible}} '''1. Kitab Suci ngabangkitkeun iman, sumber tina sagala kataatan.''' <blockquote>Jadi iman datang tina ''ngada...

{{info|10 Reasons Why I Am Thankful for the God-Breathed Bible}}

'''1. Kitab Suci ngabangkitkeun iman, sumber tina sagala kataatan.'''
<blockquote>Jadi iman datang tina ''ngadangukeun'', jeung ngadangukeun ''wartana Kristus''. (Rum 10:17) </blockquote>
'''2. Kitab Suci ngabebaskeun tina dosa.'''
<blockquote>Anjeun bakal terang naon ''nu saestu'', jeung ku ''nu saestu'' anjeun bakal dibebaskeun. (Yohanes 8:32) </blockquote>
'''3. Kitab Suci ngabebaskeun tina Iblis.'''
<blockquote>Abdina Gusti mah ulah pasea, ka itu ka ieu kudu someah, tiasa ngajar, kudu bageur jeung sabar mun aya nu salah, mun menerkeun kasalahan lawan kudu leuleuy, sugan bae lawan teh ku Allah dikersakeun tobat daek narima ''kayaktian nu saestu'', jeung sugan bae maranehna jadi sadar tur lolos tina jebakan setan, nu tos jadi tawanan setan pikeun ngalakukeun kainginan manehna. (2 Timoteus 2:24-26) </blockquote>
'''4. Kitab Suci nyucikeun.'''
<blockquote>Nyucikeun maranehna dina ''kaestuan''; warta Anjeunna teh mangrupakeun kaestuan. (Yohanes 17:17) </blockquote>
'''5. Kitab Suci ngabebaskeun tina korupsi jeung ngabangkitkeun watak ilahi.'''
<blockquote>Kawasa agung Anjeunna tos mere anugrah ka urang sakabeh hal nu nyinggung kana kahirupan jeung kailahian, tina ''kayaktian nu saestu'' tentang Anjeunna nu tos nyauran urang ku kamulyaan jeung kasampurnaan Anjeunna. Kusabab eta Mantenna tos mere ka urang ''jangji''-Na nu berharga jeung hebat, supados ku ''jangji eta'' anjeun tiasa jadi bagean tina hal-hal nu suci, kaluar tina korupsi ku hawa napsu nu aya di dunya. (2 Petrus 1:3-4) </blockquote>
'''6. Kitab Suci nyadiakeun kanyaah.'''
<blockquote>Ieu doa abdi, supados aranjeun sing beuki gede kanyaah jeung tambah kaweruh nu ''sayakti'' jeung bijaksana. (Pilipi 1:9) Tapi tujuan parentah kami nyaeta kanyaah nu medal tina ati sanubari jeung pikiran nu caang jeung mencar tina kaikhlasan iman. (1 Timoteus 1:5) </blockquote>
'''7. Kitab Suci nyalametkeun.'''
<blockquote>Jaga diri ati-ati jeung awaskeun pangajaran anjeun; sing rajin ngalakonan hal ieu, kusabab lamun anjeun ngalakonan hal ieu anjeun bakal menangkeun jaminan kasalametan kanggo hidep anjeun pribadi jeung nu ngadangukeun piwuruk-piwuruk anjeun. (1 Timoteus 4:16) Ku sabab eta, sim kuring nyaksikeun ka anjeun poe ieu yen sim kuring teu nanggungan kana getih sakabeh manusa. Ku sabab sim kuring tos nepikeun ''sakabeh tujuan Allah'' ka aranjeun. (Rasul-rasul 20:26-27) [Maranehna bakal] binasa, kusabab maranehna teu narima kanyaah kaestuan nu tiasa nyalametkeun. (2 Tesalonika 2:10) </blockquote>
'''8. Kitab Suci mere kabagjaan.'''
<blockquote>Hal ieu nu abdi bejakeun ka anjeun, supaya kabagjaan abdi jadi kabagjaan anjeun, jeung supaya kabagjaan anjeun jadi lengkep sempurna. (Yohanes 15:11) </blockquote>
'''9. Kitab Suci ngingkeupkeun Gusti.'''
<blockquote>Jeung Pangeran muncul deui di Silo, kusabab Pangeran nembongkeun diri-Na ka Samuel di Silo liwat warta Pangeran. (1 Samuel 3:21) </blockquote>
'''10. Kusabab eta,''' Kitab Suci mangrupakeun dasar ti imah jeung kahirupan jeung palayanan jeung pengharepan abadi abdi sareng Allah.

Milarian Kabagjaan

2010-05-06T15:11:35Z

Kathyyee:

{{Info|Quest for Joy}}

''Genep Kayaktian nu sajalan sareng Kitab Suci''

'''Ari anjeun teh terang yen Allah marentahkan urang sadaya pikeun bagja?'''

''“Teangan kabagjaan di PANGERAN, angen-angen maneh ku Mantenna baris dicumponan.” ''(Jabur 37:4, Kitab Suci Basa Sunda Sadidinten, LAI)

'''1) Allah nyiptakeun urang kanggo kamulyaan Mantenna'''

''“Umat Kami kudu mulang ti nu jarauh, ti unggal babagian dunya,... Kami ngajadikeun Israil teh supaya Kami dimulyakeun" ''(Yesaya 43:6-7, Kitab Suci Basa Sunda Sadidinten, LAI)

Allah nyiptakeun urang pikeun ngageungkeun kakawasaan Mantenna - siga teleskop ngageungkeun bentang-bentang. Mantenna nyiptakeun urang pikeun nempokeun sipatNa nu sae jeung bener sareng alus rupa jeung hikmah jeung kaadilan Mantenna. Tampilan nu pang ageungna tina kamulyaan Allah datang tina sagala kabagjaan nu aya di Mantenna. Ieu maksadna yen Allah meunangkeun pujian jeung urang meunangkeun kabagjaan. Allah nyiptakeun urang sadaya supados Mantenna leuwih dimulyakeun di jero urang sawaktos urang dipuaskeun di jero Mantenna.

'''2) Sagala manusa kudu hirup kanggo kamulyaan Allah'''

''“Eta kieu: Urang boh dahar boh nginum, salawasna kudu reujeung maksud ngamulyakeun ka Allah” ''(1 Korinta 10:31, Kitab Suci Basa Sunda Sadidinten, LAI).

Upami Allah nyiptakeun urang kanggo kamulyaan Mantenna, tos pasti yen urang kudu hirup kanggo kamulyaan Mantenna. Kawajiban urang datang tina rancangan Mantenna. Jadi kawajiban urang nu kahiji nyaeta nuduhkeun nilei-nilei Allah kucara muaskeun diri urang ku sagala nu Mantenna sayagikeun kanggo urang. Ieu teh inti tina mikanyaah Allah (Mateus 22:37) jeung percanten ka Mantenna (1 Yohanes 5:3-4) sareng ngucap sukur ka Mantenna (Jabur 100:2-4). Hal eta teh mangrupakeun akar tina kataatan nu sajati, hususna mikanyaah sasama (Kolosa 1:4-5).

'''3) Sakabeh urang tos gagal ngamulyakeun Allah sakumaha kuduna urang lakukeun'''

''“Kabeh geus dosa, jarauh ti Allah anu iasa nyalametkeun” ''(Rum 3:23, Kitab Suci Basa Sunda Sadidinten, LAI).

Naon nu dimaksad “jarauh tina kamulyaan Allah?” Eta maksadna yen teu aya salah sahiji ti urang nu percanten jeung ngahargaan Allah ku cara nu bener. Urang teu puas ku kakawasaan Mantenna jeung teu ngalampah dina jalan-jalan Mantenna. Urang tos milarian kapuasan dina hal-hal nu sejenna, jeung nganggep hal nu sejen eta leuwih penting tibatan Allah, nu mangrupakeun inti tina nyembah kana ciciptaanNa (Rum 1:21-23). Kusabab dosa datang ka dunya, urang tos jero pisan nolak pikeun ngagaduhan Allah janten hiji-hijina harta nu tiasa muaskeun urang (Epesus 2:3). Hal ieu mangrupakeun hiji serangan nu pikasieuneun ka kakawasaan Allah (Yermia 2:12-13).

'''4) Urang sadaya mangrupakeun subjek hukuman adil ti Allah'''

''“Upahna dosa teh maot...” ''(Rum 6:23, Kitab Suci Basa Sunda Sadidinten, LAI).

Urang tos ngaalitkeun kamulyaan Allah. Kucara kumaha? Kucara leuwih nyaah ka hal nu sejen tibatan Mantenna. Ku cara teu ngucap sukur, teu percanten jeung teu taat ka Mantenna. Jadi Allah manglaku adil dina cara meclengkeun urang tina kabagjaan ti kamulyaan Mantenna salamina. “Maranehna bakal ngarasa hukumanana, binasa salalanggengna, dipeclengkeun ti payuneun Gusti jeung ti lingkungan kakawasaana-Na anu agung” (2 Tesalonika 1:9, Kitab Suci Basa Sunda Sadidinten, LAI).

Kecap “naraka” disebatkeun di Perjangjian Anyar aya dua belas kali – nu sabelas kali disebatkeun ku Yesus sorangan. Hal ieu sanes hiji mitos nu diciptakeun ku pandita nu keur sedih jeung ngambek. Ieu mangrupakeun peringatan nu serieus ti Putra Allah nu pupus pikeun ngabebaskeun jalma dosa tina hukumanana. Upami urang teu nganggep peringatan ieu urang aya dina bahaya nu gede.

Upami Kitab Suci stop didieu dina analisa kondisi manusa, urang bakalan cilaka kusabab teu aya harepan kanggo masa depan. Tapina, ieu sanes tempat dimana Kitab Suci stop…

'''5) Allah ngirimkeun Putra tunggal-Na Yesus pikeun mere hirup jeung kabagjaan nu langgeng'''

''“ Kalimah: Kristus Yesus sumping ka dunya pikeun nyalametkeun jalma dosa…” ''(1 Timoteus 1:15, Kitab Suci Basa Sunda Sadidinten, LAI).

Warta nu saena nyaeta Kristus tos pupus kanggo jalma dosa sapertos urang. Jeung Mantenna tos bangkit tina kapupusan pikeun mastikeun kawasa nu tiasa nyalametkeun tina pupusna Mantenna jeung pikeun mukakeun gerbang hirup jeung kabagjaan nu langgeng (1 Korinta 15:20). Ieu hartina Allah tiasa ngabebaskeun jalma dosa tina hukuman sareng tetep manglaku adil (Rum 3:25-26). “Kristus oge nepi ka pupus teh lantaran dosa manusa kabeh. Anjeunna nu tanpa dosa nalangan nu daroraka, malar iasa ngadeuheuskeun manusa ka Allah” (1 Petrus 3:18, Kitab Suci Basa Sunda Sadidinten, LAI). Sumping ka Allah mangrupakeun tempat dimana sagala kapuasan nu jero tur langgeng tiasa dipendakan.

'''6) Kauntungan nu tos dibeuli ku pupusna Kristus milik sakabeh jalma nu tobat jeung percanten ka Mantenna'''

''“Ku sabab kitu ayeuna aranjeun teh kudu tarobat, kudu marulang deui ka Allah sangkan ku Mantenna dihampura” ''(Rasul-rasul 3:19, Kitab Suci Basa Sunda Sadidinten, LAI). ''“Kudu percaya ka Gusti Yesus, tangtu Anjeun salamet”'' (Rasul-rasul 16:31, Kitab Suci Basa Sunda Sadidinten, LAI).

“Tobat” maksadna malik tina sakabeh jangji palsu dosa. “Iman” maksadna jadi puas ku sagala nu Allah jangjikeun ka urang di jero Yesus. “Anu percaya ka Kami,” Saur Yesus, “moal nyorang halabhab deui” (Yohanes 6:35, Kitab Suci Basa Sunda Sadidinten, LAI). Urang henteu neangan sorangan kasalametan. Urang teu pantes meunangkeunana (Rum 4:4-5). Kasalametan teh dimeunangkeun ku asih kurnia tina iman (Epesus 2:8-9). Kasalametan teh hadiah (Rum 3:24). Urang bakal gaduh kasalametan eta upami urang ngahargaanana leuwih ti sagala hal (Mateus 13:44). Sawaktos urang ngalakukeun kitu, tujuan Allah dina ciptaana-Na direngsekeun: Mantenna dimulyakeun di jero urang jeung urang dipuaskeun di jero Mantenna – salamina.

'''Ari hal ieu teh kahartos ku anjeun?'''

Anjeun hoyong kabagjaan ieu nu datang tina kapuasan ku sagala nu Allah sayagikeun kanggo anjeun di jero Yesus? Upami bener kitu, Allah keur gawe dina hirup anjeun.

'''Naon nu kudu anjeun gawekeun?'''

Malik tina jangji palsu dosa. Menta Yesus pikeun nyalametkeun anjeun tina kasalahan jeung hukuman jeung iketan. “Saha-saha anu sasambat neda pitulung ka Mantenna tangtu disalametkeun” (Rum 10:13, Kitab Suci Basa Sunda Sadidinten, LAI). Mimiti nyimpen harepan anjeun ka sagala nu Allah sayagikeun kanggo anjeun di jero Yesus. Hancurkeun kawasa jangji dosa ku iman dina kapuasan nu leuwih ageung ti jangji Allah. Mimiti maca Kitab Suci pikeun manggihan jangji-jangji Mantenna nu berharga tur hade, nu tiasa ngabebaskeun anjeun (2 Petrus 1:3-4). Teangan hiji gereja nu percanten-ka Kitab Suci sareng mimiti nyembah Allah jeung tumbuh babarengan sareng jelema sejen nu nempatkeun Kristus leuwih ti sagala hal (Pilipi 3:7).

Warta nu sae di dunya nyaeta teu aya masalah antara kabagjaan urang sareng kasucian Allah. Janten puas sareng sagala nu Allah sayagikeun kanggo urang di jero Yesus ngageungkeun Mantenna jadi Harta nu panghadena.

''“Gusti baris nuduhan jalan nu brasna kana hirup; aya di payuneun Gusti hate pinuh ku kabingahan, sareng kasenangan salalamina.”'' (Jabur 16:11, Kitab Suci Basa Sunda Sadidinten, LAI).

Milarian Kabagjaan

2010-04-25T19:46:43Z

Kathyyee: Nyieun kaca anyar {{Info|Quest for Joy}} ''Genep Kayaktian nu sajalan sareng Kitab Suci'' '''Ari anjeun teh terang yen Allah marentahkan urang sadaya pikeun bagja?''' ''“Teangan kabagjaan d...